Dy bashkëshortë shqiptarë, rezidentë në Itali, Shpëtim dhe Teuta Pasho rezultojnë të humbur që prej muajit nëntor. Fëmijët e tyre, shumë të shqetësuar, kanë bërë apel për të mësuar vendodhjen e prindërve të tyre. Familja jetonte në Firence dhe siç thuhet ata janë zhdukur nga shtëpia e tyre.
Ndërkohë të alarmuar nga kjo gjendje, fëmijët i janë drejtuar emisionit “Chi I’ha visto” në Rai3 për të kërkuar ndihmën për gjetjen e tyre. Sipas disa informacioneve të mbledhura nga emirsioni, thuhet se çifti është parë në Xhenova, por një gjë e tillë ende nuk është konfirmuar. Por punonjësit e policisë që kanë ndjekur çështjen, i kanë thënë vajzës së çiftit se nuk kemi të bëjmë me një zhdukje “të vullnetshme” të çiftit.
Dorina Pasha, vajza e çiftit këmbëngul që të zbulohet se çfarë u ka ndodhur prindërve të saj, pasi për ta nuk ka asnjë lajm as nga Shqipëria. Alarmi për zhdukjen e tyre u dha në fillim të nëntorit nga fëmijët e çiftit.