Shkrimtarja dhe artistja Besa Myftiu ka festuar 25 vjetorin e martesës dhe ka guximin të thotë se ajo dhe bashkëshorti i saj zviceran tani jetojnë një martesë të hapur. Herë pas herë ata bien në dashuri me të tjerë, por sërish janë bashkë dhe gëzohen apo trishtohen për historitë e njëri tjetrit.

Për artisten Besa Myftiu, njëkohësisht dhe nëna e këngëtares Elina Duni, kjo gjë duket e thjeshtë, sepse në jetën e saj asgjë nuk është brenda “normës” shqiptare.

Në një intervistë për revistën Living për lidhjen e saj të hapur ka thënë:

“Unë dhe bashkëshorti mund të kemi jetën tonë, jetojmë në qytete të ndryshme. Pas 20 vjetësh ndryshojnë gjërat… Jemi si miq, kështu që nuk ka problem edhe nëse ndonjëri nga ne bie në dashuri me dikë tjetër. Përkundrazi, gëzohemi për tjetrin.”

Kjo lidhje e hapur nuk e pengon Besën që të vazhdojë ta dojë bashkëshortin e saj dhe ajo mendon se ai nuk i ka bërë asgjë të keqe dhe se nuk e ka lënduar aspak kur ai ka ndjenja dashurie apo lidhje me një femër tjetër.

“Unë vazhdoj ta dua, por ndryshon dashuria; është një lloj tjetër, kemi qenë 15 vjet të dashuruar. Të parat që e kuptojnë kur ai është i dashuruar me dikë tjetër, jemi unë edhe Elina. Unë jam e para, kujt do t’ia thotë tjetër ai? Ka ndodhur që herë pas here ai të ketë ndonjë lidhje dhe jam mërzitur po aq sa ai, kur është ndarë. Kur e do tjetrin, ti dëshiron që ai të jetë mirë, me kë të dojë dhe si të dojë. Ne jemi secili i lumtur në qytetin e tij. E përse u dashka që unë të ndahem me ligj? Çfarë më ka bërë ai mua? Ne duhemi dhe rrimë si vëlla e motër. Praktikisht, kjo është ajo që u ndodh gjithë çifteve në Shqipëri, por ata nuk e thonë. Ne, në datën 21 qershor festuam 25 vjetorin e martesës, që për ne është një kontratë shoqërore. Jemi shumë mirë kështu siç jemi”, ka përfunduar Besa Myftiu.

Prej disa ditësh disa media të Lulzim Bashës po botojnë një foto të Mero Bazes dhe Astrit Patozit të shoqëruar me një lajm sikur botuesi i gazetës TemA po komploton me grupin kundër kryetarit të ngrirë në PD.

Pikërisht këtyre akuzave Baze i është përgjigjur në editorialin e sotëm ku ai jo vetëm vë gishtin mbi Bashën për këto akuza por e etiketon atë si një betejë skuthësh.

Pjesë nga shkrimi i Mero Bazes

“Në fund, desha t’i kthej përgjigje një fushate të ndyrë po ndaj kundërshtarëve të Bashës, por ku po përdoret emri im. Është bërë në disa raste nga disa kamarierë pa identitet të tij dhe vazhdon me këto profilet anonime, sipas të cilëve, ekziston një komplot në PD, prej vitit 2013, d.m.th që me Olldashin, që unë kam dashur “të marr PD-në”, një fjali sa pa kuptim, aq dhe vulgare për mendjet e sëmura rrotull kryetarit të vulës.

Ndryshe nga Lulzim Basha dhe kushdo kollovar tjetër aty, unë kam një raport emocional me PD, një raport që nis nga dhjetori i 1990, kur kam themeluar ndoshta degën më të vështirë të saj, në malet e Martaneshit dhe Burrel, dhe kjo histori ka vazhduar dhe në ditë shumë të vështira të PD-së. Por unë i kam dalë përballë pushtetit të asaj partie, kur aty u shfaq Lulzim Basha si “dhëndër brenda” për të bërë ato që bëri bashkë me Sali Berishën, që nga vjedhjet galopante, e deri tek vrasja e qytetarëve në bulevard dhe vjedhja e zgjedhjeve.

Unë kam luftuar boll që këta njerëz të ikin nga pushteti dhe projekti im kundër pushtetit të tyre personal në krye të PD, mbaron në vitin 2013, kur ata ikën nga pushteti, edhe për shkak të luftës sime. Dhe për këtë jam krenar!

Prej 2013-s, luftën kundër PD-së dhe të ardhmes së saj nuk e drejtoj më unë, por Lulzim Basha. Mua më ndodh e kundërta, pasi prej vitit 2013, mua më dhimbset PD, për atë çfarë po i bën Lulzim Basha. Nëse do isha dikush që do e urreja PD-në vërtet, njeriun që do të doja më shumë sot, do të ishte Lulzim Basha. Ai do të ishte i vetmi aleat i imi në atë parti, sikur unë ta urreja. Atë që i ka bërë ky njeri PD-së, nuk do mund t’ia bënte as armiku më i madh i saj. Bile jo vetëm PD-së, por dhe Sali Berishës.

Unë jashtë modestisë, i jap shumë pikë vetes në luftën ndaj Berishës, ashtu sikundër i jap shumë pikë dhe atij në luftën kundër meje. Por lufta mes nesh ka qenë ballazi, me emrat dhe fytyrën tonë, para syve të shqiptarëve. Kjo luftë e pistë e Lulzim Bashës dhe tredhja që ai i ka bërë Sali Berishës (siç thotë populli, duke “e kapur për koqe”) dhe duke e bërë si lolo, që të heshtë para kësaj që po bën, është një meritë, që gjithë ne kundërshtarët e Berishës duhet t’ia njohim Lulzim Bashës. Ne i kemi bërë boll dëme Sali Berishës, por këtë që po i bën Basha, nuk kemi mundur dot. Dhe shpjegimi sërish është tek lufta si skuth që bën ky njeri. Siç i bën gjithë gjërat.

Autori i vrasjes së shqiptarit, Demir Hyseni në Itali u arrestua pak orë pas ngjarjes.

Ai ishte në Bari gati për t’u nisur, por nuk pati kohë për të hipur në bordin e tragetit, pasi vrasësi i muratorit shqiptar u arrestua mbrëmjen e të martës nga policia në kryeqytetin rajonal të Ternit.

Mediat italiane shkruajnë duke cituar policinë italiane se autori i dyshuar është një shqiptar që kishte mbërritur në Itali në datën 10 korrik dhe që si mision kishte vetëm vrasjen e Hysenit dhe kthimin më pas në Shqipëri.

Mësohet se shqiptari i arrestuar, emri i të cilit nuk dihet ende, ishte duke tentuar të kthehej me tragetin e Durrësit dhe në momentin e arrestimit shoqërohej nga një tjetër bashkatdhetar i tij, i cili gjithashtu është ndaluar.

Një aksident tragjik i ka marrë jetën dy shqiptarëve në Itali, ndërsa një tjetër person ka mbetur i plagosur.

Siç raporton “Cezena Today”, aksidenti ka ndodhur sot rreth orës 18:00, në kryqëzimin e rrugëve “Melona” e “Capannaguzzo” në Cezena kur janë përplasur vrullshëm dy automjete, një furgon brenda të cilit udhëtonin tre punëtorë shqiptarë dhe një kamion me rimorkio, ku udhëtonin dy persona të tjerë.

Ndërsa viktimat raportohen të jenë të dy shqiptarë, 37-vjeçar dhe një 39-vjeçar, mediat nuk e kanë publikuar ende identitetin.

Sa për të plagosurin, ato shkruajnë se është në gjendje kritike për jetën, por nuk saktësohet se në cilin prej mjeteve udhëtonte ai.

Një 48-vjeçare u hodh nga ballkoni i katit të tretë të një pallati, rreth orës 21:13 në rrugën “Arkitekt Kasemi”, në Tiranë.

Sipas njoftimit të policisë, 48-vjeçarja R.K. ka gjetur vdekjen e menjëhershme.

Nga hetimet paraprake dhe deklarimeve të familjarëve, është mësuar se shtetasja R.K., vuante nga depresioni.

Në vendngjarje kanë mbërritur shërbimet e policisë dhe ambulanca.

Po punohet për të zbardhur rrethanat e ngjarjes.

“Meshkujt preferojnë biondet”, thoshte Howards Hawks në vitin 1953. Sot gjërat duket se kanë ndryshuar pak.

Tashmë mund të thuhet se kjo është një çështje shijesh dhe në mbështetje të kësaj teze nuk ka asgjë shkencore.

Më poshtë do të zbuloni se përse është mirë që të lidheni me një bionde.

1-Është si një lloj “koleksioni”

Biondet natyrale po bëhen gjithnjë e më të pakta në numër. Në këtë mënyrë, shoqërimi dhe lidhja e jetës me to, mund të jetë edhe si një lloj krenarie.

2-Është argëtuese

Perceptimi i realitetit udhëhiqet nga stereotipat tanë kulturorë. Ashtu siç në imagjinatën e zakonshme biondet janë “budallaqe”, kush fejohet me njërën prej tyre, pret që ajo të thotë budallëllëqe dhe kështu mashkulli mund të qeshë për çdo gjë që ajo nxjerr nga goja.

3-Është më pak leshatore se brunet

Është zbuluar se femrat bionde kanë më pak qime nëpër pjesët e trupit të tyre. Për këtë arsye, ato janë të bukura edhe në këtë drejtim. Ju nuk do të bezdiseni asnjëherë për sa i përket rasteve të mosdepilimit të së fejuarës suaj bionde.

4-Është lolita

E verdha është ngjyra e fëmijëve. Biondet mund të kthehen në “lolita” thjesht duke veshur një palë mbathje rozë dhe pizhame me arusha. Dhe nëse veshin intime seksi do të duken seksi. Si përfundim, biondet janë një bukuri elektrizuese.

5- Është e bukur edhe kur sapo zgjohet

Avantazhi kryesor i një biondeje është se nuk ka nevojë për t’u trukuar. Një bukuri ujë e sapun! Në mëngjes kur të zgjoheni nuk do të detyroheni t’i mbani sytë në tavan, por do të shijoni bukurinë dhe ëmbëlsinë e saj, duke e parë drejt e në sy.

6- Është naive

Femrat ndahen në katër grupe: të bukura dhe që e dinë këtë gjë, të bukura që iu duket vetja e shëmtuar, të shëmtuara që e dinë se janë të tilla dhe të shëmtuara e që kujtojnë se janë të bukura. Shumë bionde, në fakt, nuk e kuptojnë dot se janë të mrekullueshme. Kështu që, edhe nëse mund të jeni një mashkull jo i pashëm, i varfër ekonomikisht dhe të margjinalizuar nga shoqëria, mund të keni fatin që të martoheni me një bionde që gjithkush do ta kishte zili ta kishte në krah.

7-Biondet janë më të mira në shtrat

Filozofi i lashtë Aristoteli ka shkruar gjerësisht rreth seksit, atij të kafshëve dhe të njeriut, përfshirë edhe orgazmën femërore. Sipas tij, femrat bionde ndiejnë më tepër kënaqësi seksuale dhe janë më të mira në shtrat. Zbulimi është bërë në librin e ri “Laguna: Si e shpiku shkencën Aristoteli”, me autor Armand Marie Leroi. Sipas “National Geographic”, në libër thuhet se Aristoteli ka thënë se femrat bionde përjetojnë më tepër kënaqësi nga seksi. Ai nuk ka një fjalë teknike për orgazmën, por ai ishte shumë i qartë se gratë ndiejnë kënaqësi në raportin seksual, një kënaqësi ekstreme, të njëjtë me atë të burrave.

Dashi

Jeta juaj sentimentale shkon më së miri dhe do të jeni në qendër të vëmendjes së partnerit/es. Kujdes ndaj xhelozive të kota, mund të prishin harmoninë. Për ata që janë vetëm, parashikohen miqësi dhe lidhje të reja. Bëni kujdes me privatësinë tuaj!

Në sferën profesionale do të keni ide fitimtare dhe situatat i keni në favor të plotë. Ky është momenti për të ndërmarrë nisma të reja.

Demi

Dita do të jetë mjaft pozitive për të bërë sqarime nga persona që nuk e prisnit. Mbrëmja pritet të jetë romantike, me një darkë speciale ose festë. Ata që janë vetëm do të jenë nën ndikimin e një personi të dashur si dhe pritet të marrin lajme të mira.

Sa i takon punës, do të merrni një përgjigje të rëndësishme. Së shpejti mundësitë e mira do të ndriçojnë jetën tuaj.

Binjakët

Hëna dhe Saturni do të kushtëzojnë humorin e të lindurve të kësaj shenje. Fatmirësisht Venusi do të mundësojë që të kaloni një ditë të bukur, ndonëse do të bëni ndonjë lëshim të vogël në raportin me partnerin. Ata që janë vetëm mund të kenë njohje interesante.

Në punë, do të jeni të shoqërueshëm dhe krijues, si dhe do të keni propozime të reja interesante. Ju ziejnë shumë ide në kokë.

Gaforrja

Në dashuri, mundohuni të jeni më të hapur në dialog dhe buzëqeshni ndaj defekteve të partnerit. Dilni nga rutina dhe krijoni gjëra të reja. Për ata që janë vetëm, ka ardhur momenti i duhur për t’u nisur me pushime.

Mos prisni akoma dhe mos lejoni që të tjerët të vendosin për ju. Në sferën profesionale, merreni situatën në dorë dhe vini në zbatim synimet tuaja.

Luani

Nëse keni një histori dashurie të konsoliduar, kjo është dita e duhur për t’u përkushtuar më shumë. Në mbrëmje, partneri\ja mund t’iu bëjë një surprizë e cila do ju lumturojë. Ata që janë vetëm nuk do kenë asnjë dëshirë për lidhje serioze, por janë në kërkim të aventurave dhe miqësive të reja.

Në punë, do të keni mundësi të mira për të përmirësuar pozitën tuaj. propozoni nisma të reja dhe do të vlerësoheni pa masë.

Virgjëresha

Nëse jeni çift, mundohuni ta jetoni lidhjen tuaj në mënyrë autentike. Shmangni xhelozitë ndaj partnerit/es dhe jepini më shumë besim, nëse doni në këmbim dashuri. Ata që janë vetëm, duhet të shfrytëzojnë më mirë mundësitë, për të ndryshuar jetën e tyre. Është koha për të bërë zgjedhje.

Në sferën profesionale, priten mundësi dhe bashkëpunime të reja, të cilat do ju nxjerrin në dritë.

Peshorja

Do të jeni mjaft të përzemër dhe dëshira për të qëndruar pranë partnerit/es, do e rinovojë më së miri raportin tuaj. Përkushtojuni blerjeve. E mërkura, është ditë shumë e mirë për ata që janë vetëm dhe duan të bëjnë njohje të reja. Do të merrni një propozim të papritur në punë. Pranoni, nëse ndiheni në lartësinë e këtij pozicioni të rëndësishëm.

Akrepi

Një takim rastësor, do ju mbushë me melankoli. Shikoni drejt së ardhmes dhe lërini pas krahëve historitë e dashurisë që kanë kaluar. Kush është vetëm do të ketë mundësi të mira, për të nisur një lidhje të re.

Në punë, gjatë kësaj dite do të keni mundësi shumë të mira për bashkëpunime të frytshme. Shumë shpejtë do të merrni propozime shumë të favorshme.

Shigjetari

Gjatë kësaj dite do të jeni të hutuar dhe vëmendja juaj mund të jetë e drejtuar tjetërkund. Do të ndiheni në faj ndaj partnerit, për shkak se do të keni mendime tjetërkund. Për ata që janë vetëm do të jetë një ditë relaksi dhe argëtimi.

Sa i takon profesionit, disa vendime mund të ndikojnë në të ardhmen tuaj. Reflektoni mirë para se të firmosni një kontratë.

Bricjapi

Vlerësoni mirë, nëse është rasti për të diskutuar për çështje të kota. Ndonjëherë është më mirë që të harroni ndonjë shaka të vogël, për t’u kthyer tek harmonia me partnerin. Ata që janë vetëm, do kenë mundësi të shumta njohjeje.

Në punë, do të merrni një propozim interesant që mund t’iu ndryshojë jetën. Bëhet fjalë për një projekt të rëndësishëm, ndaj kapeni fluturimthi këtë mundësi.

Ujori

Raporti juaj sentimental paraqitet në një periudhë shumë të mirë. E tashmja ju ofron mundësi të shumta për të qenë të lumtur, shijoni çdo moçmet. Kush është vetëm, do të jetë euforik dhe gati për të jetuar eksperienca të reja.

Nëse bëni një punë të pavarur, gjatë kësaj dite mund të keni zhvillime shumë premtuese profesionale.

Peshqit

Përkushtojani energjinë tuaj harmonisë në çift dhe jo xhelozisë. Mund ta bëni të bukur dhe të paharrueshëm çdo veprim ndaj partnerit. Ata që janë vetëm, do të jenë të mërzitur, por nga fundi i ditës do të marrin një lajm të mirë.

Në punë, pranoni këshillën e një personi e cila do ju vlejë shumë. Largoni nga vetja këdo që është ziliqar ndaj jush.

Pas ping-pongut mes institucioneve shqiptare për dosjen e Klement Balilit, i lakuari ndryshe si “Eskobari i Ballkanit”, duket se është bërë shkak që në të njëjtën lojë të hyjnë edhe drejtësia shqiptare me drejtësinë greke.

Burime pranë organit qendror të akuzës thonë për Top Channel se hetimet ndaj 45-vjeçarit janë në vendnumëro që prej të paktën katër muajsh.

Ky ngërç i hetimeve, siç shpjegojnë burimet, vjen për shkak se autoritetet greke nuk u janë përgjigjur ende prokurorëve të Krimeve të Rënda mbi kërkesën për t’i bashkangjitur dosjes provat shtesë.

Sipas burimeve, letërporosia është përcjellë në kohë rekord nga Krimet e Rënda, ku kërkohen akte të tjera të dosjes, sikurse janë procesverbalet e këqyrjes së ngarkesës së hashashit të bllokuar nga policia greke në fund të prillit 2006. Po ashtu, autoritetet greke duhet të përcjellin edhe deklaratat e të dyshuarve si skafistë, Petro Dalanaj dhe Kleanth Palaj. Siç rezulton nga përgjimet, të dy ata udhëzoheshin në telefon nga Balili për të transportuar një ngarkesë hashashi nga Saranda drejt Greqisë.

Prokuroria pretendon se në dosjen voluminoze, pala greke të shpjegohet sesi u zhvillua operacioni antidrogë 2016, që u finalizua me 21 të arrestuar në total, 16 në Greqi dhe pjesa tjetër në Belgjikë, Bullgari dhe Itali.

Por në dosje janë të administruara gjithashtu edhe përgjimet ku pretendohet se Balili flet me anëtarët e rrjetit për transportin e drogës, gjatë kohës që ai ishte zyrtar i Drejtorisë së Transporteve.

Shpallja në kërkim e 45-vjeçarit që nga maji 2016 dhe deri në fund të vitit futi në një debat institucionet shqiptare mbi shpalljen në kërkim të tij dhe mosarrestimin.

Tashmë që ndaj Balilit ekziston me vendim gjykate një masë arresti në mungesë dhe një shpërblim prej 5 milionë lekësh, pikëpyetjet për arrestimin e tij konsiderohen të mbyllura. Me dilema tashmë shikohen përpjekjet e prokurorisë, e cila thotë se nuk mund ta dërgojë dosjen në gjykatë vetëm me përgjime telefonike./TCH.

Christian Panucci u prezantua sot si pasues i Gianni De Biasi në stolin e kombëtares sonë.

Si ish-lojtar i kombëtares italiane apo edhe i ekipeve si Milan, Real Madrid, ai njihet gjerësisht nga sportdashësit shqiptarë.

Pasi ka luajtur te të rinjtë e Veloçe Savona dhe Xhenoas, debuton në Serinë me fanellën kuqeblu.

Më pas, kalon te Milani i Fabio Kapelos, ku në mes të viteve 1990 fiton dy tituj, dy Superkupa Italie, 1 Champions dhe 1 Superkupë UEFA.

Transferohet më pas jashtë vendit: në fillim në Madrid, ku te Reali në fund të dekadës fiton një Superkupë Spanje, Champions e tij të dytë në karrierë dhe një kupë Interkontinentale, më pas (duke hequr aventurën e shkurtër me Interin) te Çelsi, ku arrin që të fitojë Superkupën e Anglisë.

Nga Anglia në Francë, aty ku firmos me Monakon, por që nuk do të fitojë asgjë. Rikthimi në Itali vjen në fillim të viteve 2000, kur te Roma e familjes Sensi, që kishte investuar “rëndësishëm”, transferohet me shpresën se do të vinte një titull, por vetëm se sa kthehet në simbol i Qytetit të Përjetshëm, pas tetë sezonesh dhe më shumë se 300 ndeshjesh, duke shënuar 31 gola. Fiton dy herë Kupën e Italisë dhe Superkupën e Italisë numër “3”.

E mbyll karrierën e tij te Parma, duke totalizuar plot 650 ndeshje në futbollin profesionist.

Sa i përket kombëtares së Italisë, pasi grumbullohet me U-21 në vitin 1992, duke fituar Europianin e kategorisë (pra, kësaj moshe) dy herë radhazi në 1994 dhe në 1996, në të dy rastet duke luajtur finalen si titullar, merr pjesë me ekipin e madh në kualifikueset e Euro 1996, Botërorin 1998 dhe Europianin 2000, pa u grumbulluar në fazat finale të turneve.

Kthehet të luajë për Italinë në 2002, duke u thërritur si për fazën finale të Botërorit në Kore dhe Japoni, si për Euro 2004. Pas një tjetër pauze rikthehet të bëhet pjesë e axurrëve në Euro 2008, përpara daljes përfundimtare nga skena me Kombëtaren.

Rastësia që i shpëtoi jetën

Panucci është zgjedhur kapiten i kombëtares së Italisë në Lojërat Olimpike Atlanta 1996.

Italia ishte në atë kohë nën-kampione e botës. Panucci edhe pse kapiten, në mungesë të Baresit, u detyrua të kthehet më shpejt në shtëpi, për shkak të një dëmtimi.

Panucci kishte planifikuar të merrte avionin “TWA 800” nga New York për në  Romë me një ndalesë në Paris, por humbi bagazhet gjatë udhëtimit nga Atlanta.

Ai u informua se kishte një linjë tjetër direkte “Alitalia” që fluturonte në Milano pak më vonë dhe zgjodhi atë. Mirëpo atë ditë, (17 korrik  1996) avioni “TWA 800” u rrëzua dhe 230 pasagjerët humbën jetën.

Fati të çon atje ku nuk e pret dhe sot, pas 21 vjetësh, Christian Panucci emërohet zyrtarisht trajner i Kombëtares së Shqipërisë.

Pasi u tërhoq nga futbolli, karrierën e të cilit e njohin shumë futbolldashës në Shqipëri, Christian Panucci u bë fillimisht analist futbolli dhe komentator ndeshjesh në “SKY Italia”.

Në vitin 2011, ai mori pjesë në edicionin italian “Dancing with the Stars”.

Christiano Panucci e la punën si analist më 19 Mars 2012 për të pranuar ofertën e Maurizio Zamparini si trajner i Palermo, duke punuar krah drejtorit sportiv Luca Cattani.

Vetëm një muaj më pas u tërhoq nga kjo detyrë.

Më 23 korrik  2012 Panucci u ftua nga Fabio Capello si asistent i tij në drejtimin e Kombëtares së Rusisë.

E la këtë detyrë pas eliminimit të Rusisë nga Kupa e Botës, Rusi 2018.

Më 18 Mars 2015 ai zuri vendin e Ezio Gelain si trajner i Livornos, në Seria B.

Panucci, 44-vjeç, është me shtetësi gjysmë italiane dhe gjysmë çeke.

Historitë rozë të Panucci-t

Trajneri aktual i Kombëtares, nuk ka shënuar gola vetëm në futboll, por edhe me femrat, pasi ka histori të shumta.

I martuar fillimisht me Isobelle Panucci-n, ai u nda dhe ҫifti ka vetëm një djalë, Juan.

Të divorcuar prej kohësh tashmë, trajneri ka patur rrugën e lirë për t’u përfshirë në më shumë se një histori dashurie.

I lidhur aktualisht me Samanta Togni-n, balerinë dhe një nga trajneret e “Ballando con le stelle”, këto dy personazhe kanë patur uljet e ngritjet e veta në ҫift, ku përfshihen ndarjet e ribashkimet.

Pjesëmarrës në këtë spektakël, Panucci arriti të renditej ndër gjashtë finalistët, së bashku me partneren e tij në këtë konkurs, Agnese Junkure.

Me këtë të fundit, Christian u përfol se pati një lidhje të shkurtër, pasi u fotografuan së bashku në plazhin e Miamit si dhe duke drekuar më pranë njëri-tjetrit se kurrë.

Pas një thashethemi për lidhje me aktoren e televizionit Raffaella Berge në 2006, ishte viti pasues ai që do të sillte lajmin e lidhjes së ish-futbollistit me Rosaria Canavo, lidhje pa sukses, e siç e thamë, së fundmi po shihet vetëm më Samanta Togni-n.

Nesër pritet të zgjidhet kryetari i komisionit të vettingut. Mësohet se për të marrë këtë post, me një mandat 3-vjeçar, janë në garë katër kandidatura; Lulzim Hamitaj, Alma Vokopola, Genta Bungo dhe Etleda Ciftja.

Zgjedhja do të bëhet në Pallatin e Kongreseve nga Komisioni i Pavarur i Kualifikimit. Procesi i skanimit të pastërtisë së figurës dhe pasurisë për gjyqtarët dhe prokurorët, pritet të nisë në muajin shtator.

Por duket se procesi është futur në një udhëkryq për shkak të Gjykatës Kushtetuese, e cila vendosi sot që ta marrë vendimin për vettingun në fund të muajit shtatator.

Në këtë gjykatë po shqyrtohet ankimimi i Unionit të Gjyqtarëve të Shqipërisë.

Departamenti Amerikan i Shteti ka publikuar raportin e tij për terrorizmin në botë për vitin 2016.

Duke iu referuar Shqipërisë DASH vlerëson mbështetjen e vendit tonë në koalicionin kundër Shtetit Islamik dhe nënvizon rëndësinë e aksionit rajonal përpara ndeshjes Shqipëri-Izrael që rezultoi në arrestimin e disa të dyshuarve dhe parandaloi një sulm të mundshëm terrorist në këtë ndeshje.

Raporti për Shqipërinë:

Përmbledhje: Shqipëria ka qenë një mbështetës i fortë për përpjekjet në luftë kundër terrorizmit në vitin 2016 dhe ka vazhduar pjesëmarrjen e vet në Koalicionin Global për mundjen e ISIS, duke dhënë kontribute domethënëse në armë dhe municione.

Në 4 dhe 5 Nëntor, një operacion rajonal anti-terrorist rezultoi në arrestimin e 4 shqiptarëve. Operacioni parandaloi mundësinë e një sulmi potencial terrorist në ndeshjes Shqipëri-Izrael që vlente për kualifikueset e kampionatit botëror të futbollit, i planifikuar për të luajtur në Shkodër në datë 12 Nëntor. Individët e arrestuar janë akuzuar për mbështetje të ISIS nga pikëpamja financiare dhe logjistike, duke rekrutuar njerëz në emër të organizatës terroriste dhe duke promovuar gjuhën e urrejtjes.

Legjislacioni, Përforcimi i Ligjit dhe Siguria e Kufijve: Shqipëria është një shtet ku aktet terroriste janë vepër kriminale, po ashtu edhe financimi i tyre, mbledhja dhe transferimi i fondeve që shkojnë tëk financues të terrorizmit janë gjithashtu të dënueshme.

Autoritetet e rendit në Shtetin Shqiptar kanë zhvilluar potencialet e tyre kundër kërcënimeve terroriste. Njësia e Policisë së Shtetit kundër Terrorizmit është zgjeruar së fundmi dhe ka bashkëpunuar me DASH në kuadër të Programit për Trajnim dhe Asistim të Investigimeve për Terrorizëm. Si rezultat i këtij bashkëpunimi njësia e kundër terrorizmit në Shqipëri ka zhvilluar planet e veta dhe ka përmirësuar cilësinë e pajisjeve të trajnimit dhe aktualisht po rinovon mjediset e kësaj njësie.

Në bashkëpunim me BE dhe me financime nga DASH, janë ofruar pajisje dhe trajnim për forcat e ruajtjes së rendit në Shqipëri për të rritur kapacitetet dhe për të mbledhur të dhëna në të gjitha hyrjet dhe daljet doganore, për të siguruar një databazë kombëtare për njerëzit e kërkuar në kohë reale.

Kundërshtimi i Ekstremizmit të Dhunshëm: Në vitin 2015, qeveria e Shqipërisë ka draftuar dhe ka adaptuar një strategji kombëtare për të luftuar terrorizmin e dhunshëm. Në vitin 2016 qeveria e Shqipërisë ka emëruar një Koordinator Kombëtar për të Luftuar Terrorizmin e Dhunshëm  dhe është përgjegjës për mbikëqyrjen dhe implementimin e strategjisë kombëtare.

Kryeministri Edi Rama ishte sot i pranishëm në fshatin turistik të Jalës, ku iu përgjigj pyetjeve të qindra të rinjve socialistë, pjesëmarrës në festivalin e Internacionales Socialiste Rinore.

Ka përfunduar ndeshja mes Kukësit dhe moldavëve të Sherif Tiraspolit në “Elbasan Arena”.

Kukësi fitoi ndaj Sheriff Tiraspol-it, por kjo nuk mjaftoi që të kualifikohej.

Pavarësisht se kampionët e Shqipërisë fituan me rezultatin 2-1, ky rezultat nuk ka mjaftuar për t’u kualifikuar pasi në ndeshjen e parë në Moldavi humbën 1-0.

Kampionët e Shqipërisë kanë kaluar në avantazh në minutën e 35 me golin e Izair Eminit, ndërsa goli i dytë ka ardhur në minutën e 45′ nga Pero Pejic duke rihapur kualifikimin për në turin tjetër.

Por rezultati është ngushtuar me fillimin e pjesës së dytë, teksa skuadra e Sherif ka shënuar me anë të Cyrille Bajala në minutën e 62 duke çuar shifrat në 2-1.

Në minutën e 77 të takimit, De Noijer ndëshkohet me kartonin e dytë të verdhë pas një faulli ndaj Pejic duke lënë moldavët me 10 lojtarë.

Në minutën e 89’ Pejiç humb një tjetër rast të jashtëzakonshëm për Kukësin duke mos shënuar një penallti pasi portieri moldav tregohet i vemendshem.

Kukësit i duhej një fitore me dy gola diferencë për të arritur kualifikimin në turin e tretë të Ligës së Kampioneve, por fatkeqësisht nuk ja arriti dhe në këtë mënyrë mbetet jashtë Europës.

Shumica e ministreve të kabinetit “Rama” rezultojnë të mbytura në borxhe.

Të paktën kështu rezulton nga deklarimet e publikuara në portalin “Spending Data Albania”, ku janë publikuar shpenzimet e kryera nga Ministret në vitin 2016.

Me përjashtim të zonjës Ogerta Manastirliu që në shpenzime i figuron edhe blerja e një automjeti, koleget e saj të kabinetit “Rama” i kanë kryer shpenzimet për të paguar kreditë.

Shpenzimet më të mëdha, duket se i ka kryer Ministrja e Inovacionit Milena Harito, e cila në vitin e kaluar ka paguar plot 17 295 euro, si principal dhe interesa për dy kredi.

Më pas, për nga sasia e shpenzimeve vjen Ministrja Ogerta Manastirliu e cila ka shpenzuar 900 000 lekë për blerjen e një automjeti dhe 288 113 lekë për shlyerjen e një kredie të butë.

Më pas për nga sasia e shpenzimeve vjen Ministrja e Integrimit Klajda Gjosha, e cila sipas portalit “Spending Data Albania” ka paguar 234 276 lekë për një kredi bankare të marrë për blerjen e një shtëpie.

Ministrja e Ekonomisë, Milva Ekonomi, del se ka shpenzuar 209 342 lekë për shlyerje kredie, ndërsa Ministrja e Zhvillimit të Turizmit Eglantina Gjermeni 205 294 lekë gjithashtu për kredi.

Ministrja e Kuturës, Mirela Kumbaro, rezulton gjithashtu se ka shpenzuar 128 000 lekë për një kredi bankare.

Ndërkaq, Ministret Lindita Nikolla, Mimi Kodheli, Ermonela Felaj dhe Olta Xhaçka nuk rezulton të kenë kryer asnjë shpenzim të deklaruar në vitin 2016.

Ajo që të bie në sy është fakti se disa prej ministreve rezultojnë ende borxhlie.

Vit pas viti pushimet verore nuk po shihen më si momente relaksi por të rinjtë po vërshojnë në resortet turistike për të shfryrë epshet e tyre dhe për të përjetuar aventura të “çmendura”.

Simbol i këtyre çmendurive është bërë resorti i Magalufit në Spanjë.

Mijëra britanikë zbarkojnë aty çdo vit për tu shfrenuar në alkool, seks dhe orgji.

Autoritetet kanë premtuar se do të shtrëngojnë masat, por kjo verë duket se nuk do jetë ndryshe.

Daily Star sugjeron se kjo verë mund të jetë edhe më e çmendur.

Dashi

Dukeni të qetë, por në fakt diçka ju mban në ankth. Largojini mendimet negative dhe bëni diçka konkrete për të ruajtur harmoninë me partnerin. Ata që janë vetëm, mund të hidhen drejt njohjeve të reja. Ndoshta mund të gjejnë shpirtin e tyre binjak.

Për fatin e mirë, rezultatet do të duken në punë dhe do të ndiheni shumë mirë. Tashmë, do të jeni të bindur se sforcimet i’a kanë vlejtur.

Demi

Do të jetë një ditë plot kontraste dhe keqkuptime në dashuri. Një person i cili vjen nga e kaluara, do të rikthehet dhe do ju turbullojë mendimet. Bëjini të kuptojë se e tashmja juaj, është mirë kështu siç është. Për ata që janë vetëm do të jetë një ditë mjaft pozitive, kur do të marrin një deklaratë dashurie e cila do i lumturojë. Në punë, ndonjë pakënaqësi do ju shtyjë të këmbëngulni. Mos i braktisni projektet që i keni përzemër.

Binjakët

Gjatë kësaj të enjteje do të kërkoni ngushëllim tek partneri dhe do të shuani çdo dyshim që deri më tani ju ka përndjekur. Konfirmimi i lidhjes tuaj, është i rëndësishëm. Ata që janë vetëm, mund të bëjnë një zgjedhje vendimtare dhe më në fund do të zgjidhin një çështje që kishin lënë pezull. Sa i takon punës, sforcohuni paksa, por mos i lini në mes idealet tuaja. Ecni larg, pa u hutuar.

Gaforrja

Në dashuri do të jeni të padurueshëm dhe të mbushur me pasiguri. Jeni në kërkim të zgjedhjes së duhur për ta bërë sa më solide një lidhjen tuaj. Sfera intime, nuk është në maksimumin e saj. Kush është vetëm, duhet të dalë nga pasiviteti.

Do të jeni gati të pranoni propozime të reja në punë. Financat, janë drejt përmirësimit të ndjeshëm.

Luani

Do të jeni në harmoni të plotë me personin që dashuroni dhe kjo do ju bëjë të ndiheni shumë mirë. Do të ndiheni si një njeri krejt tjetër. Ata që nuk janë në një lidhje, duhet të tregojnë kujdes ndaj thashethemeve si dhe duhet të largojnë miqtë e rremë.

Në punë, do të jeni të vetëdijshëm për kapacitetin tuaj, por ende dikush nuk e ka vënë re. Shumë shpejt do të merrni konfirmimin.

Virgjëresha

Do të jeni të lodhur nga rutina e zakonshme dhe doni të shkëputeni prej saj. Nëse partneri/ja do të marrë një periudhë pushimi, mundohuni ta kaloni darkën jashtë. Do ju shërbejë për të qartësuar idetë. Kush është vetëm, gjatë kësaj dite mund të bëjë për vete një person që e simpatizon. E enjtja është një ditë e mirë për të mbyllur negociatat e punës, përqendrojini të gjitha energjitë tuaja.

Peshorja

Rikthimi i një personi të së kaluarës, do ua bëjë këtë ditë të padurueshme. Prania e tij/saj, do ju qëndrojë si hije, por mundohuni të mos humbni qetësinë, për të mos dëmtuar lidhjen që keni krijuar. Kush është vetëm, do të kalojë një mbrëmje argëtuese dhe me njohje të reja.

Në sferën profesionale, ka ardhur momenti të përvishni mëngët, në mënyrë që të mos humbni atë që keni fituar. Tregoni aftësitë tuaja.

Akrepi

Do të jeni të trazuar dhe kjo gjë do të vihet re edhe nga partneri. Përpiquni të organizoni një shëtitje apo një piknik me personin që doni dhe do të rigjeni harmoninë. Për ata që janë vetëm, gjatë kësaj dite priten disa sqarime për t’u bërë.

Një propozim i ri apo një kontratë e re, është pas dere në punën tuaj. Kini besim tek e ardhmja, pasi shumë shpejt do të përjetoni kënaqësi të shumta.

Shigjetari

Kjo ditë do të jetë shumë e mirë për të dashuruarit, do të jeni në harmoni të plotë me personin që dashuroni. Dedikojuni të gjitha gjërave fantazinë tuaj dhe do ia dilni më së mirë në raportin në çift. Kush është vetëm, duhet të ketë kujdes ndaj gjuhëve të këqija, pasi mund të ndikojnë në jetën e tyre.

Në punë, këshillohet që të keni më shumë respekt ndaj mendimeve të të tjerëve. Idetë tuaja janë të mira, por duhet të merrni konfirmimin nga eprorët.

Bricjapi

Dita do të nisë me ndonjë të papritur, por do të ketë shumë gjëra pozitive për të cilat do mund të gëzoheni. Nëse keni një lidhje solide, nuk do të ndjeni asnjë shqetësim. Ata që janë vetëm, duhet të marrin një periudhë kohe për të reflektuar, lidhur me vendimet që duhen marrë në të ardhmen. Ndikimi pozitiv i yjeve në sferën profesionale do të ndihet kudo, duke sjellë fitime të mira.

Ujori

Merrni përsipër fajin tuaj dhe mos e qortoni partnerin/en për çdo mangësi që mund të ketë në çift. Ndonjëherë edhe sjellja juaj është e padurueshme. Kush është vetëm, do të zyrtarizojë lidhjen dhe do të mendojë vetëm për t’u argëtuar.

Dita paraqitet e mirë për situatën financiare, për shkak se priten propozime të reja në punë. Do të jeni shumë intuitivë dhe do të dini të zgjidhni rrugën që duhet të ndiqni.

Peshqit

Do të përjetoni emocione të mrekullueshme me personin që dashuroni dhe jeta në çift do ju dhurojë kënaqësi të shumta. Partneri/ja e ka fituar plotësisht zemrën tuaj. Ata që janë vetëm, do të jenë shumë ambicioz dhe do të kërkojnë rrugë të reja për të realizuar ëndrrat e tyre. Në punë, era po ndryshon dhe ndonëse keni shumë rrugë për të bërë, në fund të tunelit do të shihni dritë.

Kjo do të jetë lëvizja më e jashtëzakonshme e merkatos që kur Real Madrid-i i mori Luis Figo-n Barcelona-s në vitin 2000. Dhe viktimë sërish do të jetë klubi katalanas.

Ylli brazilian Neymar bëri shumë bujë kur erdhi në “Camp Nou”. Ai kishte shkuar me idetë e qarta. Do të shkëlqente te blaugranat, edhe pse aty ishte një yll si Lionel Messi. Nga ana tjetër, Barça mburrej se kishte arritur të fitonte garën me klubet e tjera të mëdha, duke marrë një futbollist të kalibrit të brazilianit.

Por katër vjet më pas, situata është më e keqja që katalanasit mund të mendonin.

Ata janë shumë afër humbjes së xhevahirit të tyre, i cili i lodhur nga hija e Messi-t, kërkon një klub ku të ndihet numri 1.

PSG-ja është gati që të paguajë një shifër jashtëzakonisht të lartë, e cila do të thyejë rekordet e transferimit dhe ndryshojë merkaton e futbollistëve.

Drejtuesi i PSG-së, Nasser al-Khelaifi e mban mend mirë se ishte Neymar,-i njeriu që eliminoi PSG-në në sezonin e shkuar në Champions, me rezultatin e përgjithshëm 6-5, me një goditje dënimi, penallti dhe asist në golin e fitores në minutën e 95’.

Në “El Clasico”, ai nuk luaji pasi ishte i pezulluar, por takimi u vendos nga Leo Messi me një gol në të 92’, një tjetër episod për të kujtuar se kush ishte nr 1 në “Camp Nou” dhe se sa e vështirë do të ishte për brazilianin që të ngrihej mbi të.

Ndërsa sezoni i blaugranave përfundoi në dështim, Neymar-i ndjeu se gishti i fajtorit u drejtua për nga ai.

Natën e fitores ndaj parisienëve me rezultatin 6-1, ai shkoi të festonte me pilotin e Formula 1 Lewis Hamilton. Futbollisti 25 vjeçar kishte leje nga klubi, por katër ditë pas festimeve me britanikun, të cilin e bëri shok në verën e shkuar në SHBA, nuk luajti në humbjen e Barçës kundër Deportivo-s për shkak të një dëmtimi.

Loja përkoi edhe me ditëlindjen e motrës së lojtarit, Rafaella dhe u theksua në media se ky ishte viti i tretë që ai nuk luante me ekipin në këtë periudhë kohore.

Përveç miqësisë me Hamilton-in, ai krijoi një lidhje të ngushtë edhe me këngëtarin kanadez, Justin Bieber.

Në fund të sezonit, mediat shkruajtën për një episod, ku ndimëstrajneri Carles Unzue paralajmëroi Neymar-in që të kishte kujdes e mos të përfundonte si një tjetër brazilian i Barçës, Ronaldinho, i cili dallohej për jetën e natës, e cila ia shkurtoi karrierën.

Ka një ide të përgjithshme se në ekip, se 25 vjeçari shikohet si një playboy dhe jo si lider.

Ai duket shumë i lumtur në shoqërinë e Messi-t dhe Suarez-it në stërvitje, e të tre janë të pandashëm.

Por shoqëria nuk ka për t’i munguar as te PSG-ja, ku e presin shokët e kombëtares.

Nuk është rastësi që parisienët bënë një investim të madh, duke ia rrëmber Dani Alves-in Pep Guardiola-s te City.

Prania e tij te PSG-ja, sigurisht që do të jetë një shtysë më shumë për Neymar-in që të vijë, pasi ai do të përpiqet ta bindë sumuesin të ndyshojë ambient.

Neymar-i u ankua shumë e vitin e kaluar dhe kjo solli rinovimin e kontratës deri në 2021.

Edhe lajmet e javës së fundit shkruan për faktin se sulmuesi ndihej jo rehat në ekip, ndërkohë që më pas u publikuan fotografitë, ku ai festonte në brigjet e detit Mesdhe.

Por situata mori kthesë pas lajmit se i ati i tij u nis drejt Paris-it sot në mëngjes që të diskutojë me drejtuesit e klubit. Sipas klubeve të Premier League-s, të interesuara për shërbimet e futbollistit, ai me të vërtetë dëshiron që të largohet.

Kur Barça shiti Figo-n në 2000, ata i shpërdoruan paratë duke blerë emra që nuk sollën sukses si Marc Overmars dhe Emmanuel Petit mes të tjerëve. Ata kanë shansin që të bëjnë jo pak përforcime këtë herë.

Veratti do të ngelet një opsion, ndërsa lojtari i Borussia Dortmund-it, Ousmane Dembele apo talenti i Monaco-së, Kylian Mbappe shikohen si zëvenësuest direktë të brazilianit.

“Asnjë nuk është më magjik sesa Neymar-i”, tha ish trajneri i Barca-s, Luis Enrique dikur.

Barcelona do të mbrohet duke thënë se Messi ka më shumë magji në këmbët e tij në moshën 30 vjeçare, sesa pretendenti i ri.

Dhe pikërisht kjo është arsyeja se përse Neymar-i është shumë pranë largimit për në “Qyetin e Dritave”

Presidenti i Turqisë Erdogan po ia sharron vet këmbët karriges së vet. Turqia varet ekonomikisht nga Gjermania. Tani edhe Berlini paralajmëron masa kundër Turqisë.

Ministri i Jashtëm gjerman Sigmar Gabriel sinjalizoi një “riorientim” në politikën ndaj Turqisë. Në konferencë shtypi në Berlin ai tha se për këto masa kanë rënë dakord me kancelaren Angela Merkel dhe kandidatin e SPD-së për kancelar, Martin Schulz. Ndër masat që do të ndërmerren janë edhe paralajmërimet nga udhëtimet për të gjithë gjermanët në Turqi. “Ndryshe nuk mund të veprojmë”, tha Gabriel, duke iu referuar arrestimit të aktivistëve për të drejtat e njeriut në Turqi.

Në kuadër të këtij riorientimi të politikës ndaj Turqisë bëjnë pjesë edhe të ashtuquajturat sigurime “Hermes”, për investimet gjermane në Turqi – nëse atje nuk ka ndonjë siguri juridike të investimeve të sipërmarrjeve dhe nëse ato trajtohen si të afërta me terroristët, tha Gabriel në Berlin.

Turqia ka arrestuar qysh pas përpjekjes për grusht shteti vitin e kaluar 22 persona me nënshtetësi gjermane. Nëntë prej tyre ende janë në burg. Ndërsa këto ditë u arrestua edhe aktivisti i të drejtave të njeriut Peter Steudtner dhe pesë bashkëpunëtorë të tij. Presidenti turk Erdogan ka deklaruar se këta persona janë të afërt me puçistët, gjë që në Gjermani ka shkaktuar një mllef të thellë.

Ministria e Jashtme gjermane e ka ftuar të mërkurën ambasadorin turk në Berlin në një bisedë informative dhe i ka dorëzuar notë proteste. Në këtë notë thuhet se arrestimi i aktivistëve për të drejtat e njeriut është toatalisht i papranueshëm, ndërsa akuzat për afërsinë e tyre me terroristët janë totalisht të pabaza

Presionet

Presionet ekonomike ndaj Turqisë dhe sulltanit të vogël atje, janë një masë e dëshmuar. Shumica e vëzhguesve mendonin se Gjermania dhe BE-ja varen nga Turqia, sepse Ankaraja mund të nxisë kalimet e refugjatëve drejt Evropës. Por rrugët nëpër Ballkan janë mbyllur kaherë. Në anën tjetër, Turqia varet shumë ekonomikisht nga Evropa. Ndërkohë që Gjermania është fare në krye të listës së vendeve nga të cilat Turqia varet ekonomikisht.

Gjermania është partneri më i rëndësishëm tregtar i Turqisë. Gati 10% e të gjitha eksporteve turke në vlerë prej rreth 14 miliardë Euro shkojnë në Gjermani. Në vendin e dytë shumë më larg nga Gjermania është Britania e Madhe, ndërsa në të tretin Iraku. Vendet e tjera lindore janë edhe më larg, që do të thotë se Turqia e ka shumë të vështirë të riorientohet ekonomikisht.

Nuk ka zëvendësim për importet nga Gjermania

Turqia si asnjë vend tjetër varet nga importet e disa mallrave nga Gjermania: makina, pajisje elektroteknike dhe shumë prodhime të tjera që nuk mund të zëvendësohen shpejt. Ndërsa Gjermania importon nga Turqia prodhime tekstili dhe mjete ushqimore, që mund të zëvendësohen shumë lehtë. Kina dhe Bangladeshi mund ta plotësojnë shumë shpejt këtë zbraztësirë në treg.

Turqia në vendin e 13

Gjermania është partneri më i rëndësishëm tregtar i Turqisë. Ndërsa Turqia është partneri i 13 më i rëndësishëm për Gjermaninë. Një veçanti në raportet gjermano – turke: në Turqi punojnë rreth 6000 firma, që varen nga sipërmarrjet e mëdha gjermane. Kjo ka të bëjë natyrisht edhe me shumë turq që jetojnë në Gjermani. Ndërsa një fushë tjetër nga e cila varet Turqia është turizmi. Gjermanët edhe këtu gjatë vitit 2016 kanë qenë në vendin e parë me 15% të turistëve të huaj në Turqi.

Turizmi përbën rreth 13 % të prodhimit bruto në këtë vend. Por së fundi ka rënë dukshëm numri i gjermanëve që e vizitojnë këtë vend. Në përgjithësi, numri i turistëve ka rënë në 2016 me rreth 40%. Në sondazhet e fundit të televizionit RTL thuhet se vetëm 12 % e gjermanëve e konsiderojnë Turqinë si vend të sigurt.

Erdogani i ka shkaktuar Turqisë dëme të mëdha ekonomike. Në fillim të këtij shekulli Turqia shënonte një rritje shumë të lartë ekonomike me rreth shtatë përqind, që ishte madje më shumë se Kina. Por që nga tremujori i tretë i vitit 2016, ekonomia turke po shënon stanjacion. Vlera e Lirës ka rënë pas tentativës për grusht shteti me 30%. Ndërsa inflacioni është aktualisht 8-9 %. Papunësia ka arritur shifrën prej mbi10 %.

Erdogani dhe qeveria e tij kanë larguar nga puna brenda një viti rreth 150.000 persona ndërsa janë arrestuar rreth 50.000. Investitorët kanë frikë se me masat e fundit, investimet e tyre nuk janë më të sigurta. Ata duan një sistem të sigurt politik, siguri ligjore dhe mundësi planifikimi. Në Turqinë e sotme kjo nuk është e mundur./DW

Kryeministri Edi Rama nga qyteti i Lezhës u shpjegoi qytetarëve se si do të funksionojë koalicioni me ta, ndërsa nuk harroi pa përmendur aleatin e katër viteve qeverisjeje, LSI-në.

Kreu i qeverisë theksoi se partnerët e derisotëm ndoqën një qasje tjetër, duke nënvizuar faktin se kjo zgjedhje u takonte atyre.

“Partnerët tanë të derisotëm kanë ndjekur një qasje tjetër, është puna e tyre. Ne nuk kemi betejë më ta, por me grabitqarët dhe ziliqarët, që marrin nga njerëzit pikën e fundit të gjakut.

Me ata e kemi ne luftën. Ata do jenë armiku jonë. Kush nuk e meriton rrogën që merr, dhe rri atje me lekët e taksave, me ata e kemi luftën. Opozita politike ka punën e vet dhe ne tonën.

Ata kanë marrë detyrën të rrinë atje të bëjnë opozitë, ne për ata që na kanë votuar. Ne s’kemi asnjë minutë kohë për t’u marrë me sherre.

Për opozitën dora është e shtirë, si kurrë më parë për opozitën politike për çdo gjë që u shërben njerëzve Duan të na bashkohen, nderi i tyre, s’duan, e drejta e tyre. Dora jonë o jetë e shtrirë. Parlamenti do kthehet në binar”, tha ai.